باشماقلارینی گئیدیییندن بری چؤله چیخمامیشدی. قیپ قیرمیزی باشماقدی. ایشیلداییردی. آتاسی دونن آخشام بازاردان آلیب، اولگوجله‌نمیش اوزونده اوتوران گولوشله قیزینا وئرمیشدی. قیز آتیلیب توشموشدو. تازا باشماغی چؤلون کیرکثافتینه توخوندورماق ایسته‌میردی. دونو بوراخیب کئچدی اوتاغا. بَی الینی قیزا وئرمه‌میشدی، دونوندان دا توتمامیشدی هئچ. قیرمیزی باشماقلاری ایله گیردی اوتاغا. آرایا آلمیشدیلار بیله‌سینی... گؤزو ایشیلدایان باشماقلاریندایدی قیزین.
- ۹۸/۱۱/۰۵