رومانین آدی: تورپاق
یازیچی: چنگیز آیتماتوو
چئویرن: رفیق اؤزدک
کؤچورن: شریف مردی
یاییم ائوی: حکیم نظامی گنجه‌ای
قیمت: 32 مین تومن
یوز اللی دیلدن آرتیق دیله چئوریلمیش رومانلاری ایله دونیا شوهرتلی قیرغیز یازاری، چنگیز آیتماتوو، "تورپاق"دا وطن و عاییله سئوگیسیندن دانیشیر؛ "جمیله"نی بَیه‌ننلر داها دا چکیجی بیر یازی ایله قارشی قارشی‌یا گله‌جکلر.
اون‌سگگیز خیردا خیردا بؤلوملرده، تام گئرچک اوستو بیر اولای اولاراق، یئنیجه بیچیلیب بوشالمیش تارلا ایله یاشلی بیر آنا دانیشیر؛ رومان باشدان سونا قدر چوخ دادلی بیر ایچدنلیکله شیرین شیرین آنلاتیلیر. یاشلی آنا اوره‌یینده درین و دردلی بیر سیر گزدیررک عؤمرونون سون گونلرینه واریب. بو سیرری اؤز نوه‌سینه نئجه آنلاداجاغینا گؤره اوزَریندن پاییز یئلی اسن قورو تارلا ایله دردله‌شیر.
آجیلارلا دولو بو رومان، قیزغین ساواش ایللرینی روایت ائدیر. چنگیز آیتماتوو «تورپاق» رومانیندا هم تورپاقدان، هم آنادان، هم عاییله‌دن هم ده ساواش‌دان دانیشیر. ساواشین نه‌قدر آنلامسیز اولدوغوندان دئییر. رومانین ان گوجلو یؤنو ایسه اونون بیر آنا و عاییله‌نین مرکزی اولاراق قادین دیلیندن باجاریقلی روایت اولونماسی‌دیر. اوقدر شیرین و چکیجی جومله‌لر، دئییم‌لر و اولایلار ـ آجی اولدوقلارینا رغمن ـ وارکی اوخوجونو سیخ سیخ باغلی ساخلاسین اؤزونه.
رومان اینسانلیق نامینه، تورپاق دیلیندن آنا تورپاقدان، وطن‌دن دانیشیر! «ساواش اولونجا منیم آجی چکمه‌دیییمی سانیرسان می دولغون‌آی؟ چوخ، چوخ آجی چکیرم ساواشلاردا. اؤلن کؤیلولرین گوجلو قوللارینی اؤزلهییرم تام. توخوم اکن ائولادلاریمی ایتیرمیش اولدوغوم اوچون بوتون آغلاییرام. اونلار هئچ گلمهیهجک...». رومانین باش کاراکتئری، دولغون‌آی، بوتون عؤمرونو آجیلارا اوغراییر دا هئچ قیریلمیر. ائولادلارینی، ارینی، گلینینی... بوتون واریوخونو الدن وئرن قادین، دردلرینی آنالیق سیمگه‌سی اولان تورپاغا دانیشیر. ایکی آنانی باش باشا قویان بو رومان، اینسانلیق دویغولارینین بوتون نارین تارلارینا قدر تیتره‌تمه‌یه مجبور ائدیر.
- ۹۹/۰۵/۳۱